restaurante vegetariano essência. porto

Debo comezar puntualizando, sen ambigüidades, que non son vexetariano.
A estas alturas creo que non necesito demostrar que como de todo, coas lóxicas preferencias –quen non?– pero de todo o que me boten.
De cando en vez gústame deixarme caer por un vexetariano.
Os amantes do vexetariano deben expremer especialmente os miolos para sacar o maior rendemento posible (variedade de ingredientes e de preparacións) das materias primas coas que se autolimitan na cociñan.

Restaurante vegetariano Essência. Oporto. Tarxeta   Restaurante vexetariano Essência. Porto. Tarxeta

Levaba uns meses escoitando boas referencias do restaurante vexetariano Essência, de Porto, e onte fomos probalo. A visión global resulta moi satisfactoria.

Restaurante vexetariano Essência. Porto. Exterior     Restaurante vexetariano Essência. Porto. Exterior

Trátase dun local instalado nunha vivenda unifamiliar de dúas alturas, con xardín, nunha zona próxima a Boavista, por detrás da Casa da Música.
Ten dous comedores, o principal e, con bo tempo, outro na terraza exterior. Malia que nós optamos polo interior (o día non estaba para demasiado foguete), puidemos constatar que a maioría dos visitantes preferían comer fóra.

Restaurante vexetariano Essência. Porto. Comedor     _1040339

Todos os espazos, dentro, fóra e anexos-servizos, resultan envolventes e acolledores. Partindo dunha decoración de mínimos en brancos, negros e os vermellos de lámpadas e servilletas, procuran espertar as sensacións a través da ilumnación e algún que outro clásico da decoración.
Essência coida os detalles. O resultado é un comedor especialmente bonito e agradable para acompañar a comida.

Restaurante vexetariano Essência. Paté de olivas

A uns prezos diría que bastante máis que razoables, Essência ofrece menú ao mediodía e servizo á carta pola noite.
E isto, sen fundamentalismos, como debe ser. A mesma tarxeta proclama que estamos ante un restaurante vexetariano onde todos temos lugar (‘opçoes nao vegetarianas’)
A carta de noite é ampla e imaxinativa.
As execucións logran un nivel elevado.

Restaurante vexetariano Essência. Cogumelo recheado com tomate e queijo com salada     Restaurante vexetariano Essência. Cogumelo recheado com tomate e queijo com salada

O menú de hoxe ofrece dúas opcións de entrantes: Cogumelo recheado com tomate e queijo com salada, e Sopa de couve-flor e nabo.
Os dous decídimonos polo cogumelo; moi rico, sen estridencias, saboroso e suave.

Para o prato forte hai dúas propostas vexetarianas (Triangulos de tofu com cogumelos pleurothus e broculos com arroz integral, e Quinoa com legumes assados e chouriço de soja), e un prato non vexetariano: Gratinado de pescada, marisco e legumes com salada.
Eu vou polo Tofu e Carmen polo Gratinado de pescada.

Restaurante vexetariano Essência. Gratinado de pescada, marisco e legumes com salada     Restaurante vexetariano Essência. Triangulos de tofu com cogumelos pleurothus e broculos com arroz integral

O meu prato resulta ben. En principio algo neutro, pero logo, ao combinar o tofu ben co arroz, ben co preparado de cogumelos, mellora moito. Gústanme especialmente as misturas de diferentes ensaldas cun protagonismo especial para a rúcula.
O prato de Carmen, unha mestura de peixe, algún marisco e vexetais, gratinado ao forno con queixo, e ese toque peculiar de picantiño que só saben dar os portugueses.

_1040389     _1040396

Opcións de sobremesa: Bolo de alfarroba com quenelle de natas e doce de amoras; Tarte de Limao; Mousse de manga; Strudel de maça com gelado de baunilha; Bolo semi-frio de chocolate e morango.
Compartimos o strudel e o bolo de chocolate e morango; calquera dos dous doces a moi bo nivel, os dous moi ricos e no seu punto.

_1040403  _1040405

O menú vexetariano (entrante, prato e sobremesa, cuberto e bebida á parte), ten un prezo de 8 euros; coa opción do prato forte non vexetariano, 9,5 €.
En ambos casos podes pedir o menú reducido: soamente o prato e a sobremesa; neste caso e respectivamente, 6 e 7,5€.
Nós, por un menú completo de cada, o cuberto (1€ persoa), cun copo de viño do día cada un, e un auga pequena comimos por 25€, que non está nada mal para o nivel (estético e culinario) deste Essência.
Por certo, acompañando o menú ofrecen dúas bebidas: un viño (neste caso tratábase dun Fragulho, branco do Douro) e dous zumes (os zumes do día eran de mango e laranxa, e de pera e aguacate). En todo caso ao prezo de 2€.

_1040410   _1040412

Unha moi boa opción de comida en Porto. Pode ser para un momento de relax e goce da comida (o ambiente e a decoración axudan) ou ben para unha refección máis rápida e de trámite (aquí quen colabora é o prezo).
Estamos a martes 2 agosto e sobre as dúas e media do mediodía (horario de España) o local estaba practicamente cheo, dentro e fóra. Convén reservar.

Restaurante Vegetariano Essência
Rúa de Pedro Hispano 1190
4250-365 Porto
Teléfono: 351 228 301 813
Móbil: 315 960 492 992
GPS: 41º09’56"N  08º37’46"W
Localización en Mapas de Google
E-Electrónico
Web
BCBM: 2010, 2011