porto, destino turístico de excelência

Porto segue a estar de moda. Continúa a ser un destino turístico recomendado por axencias e operadores de todo o mundo.
Os motivos? Múltiples e variados. Nin é o momento, nin posiblemente o lugar para enumerar as ‘excelências’ da cidade de Porto –e non o pasemos por alto, toda a rexión do Douro– para que o norte de Portugal se manteña nun estatus turístico difícil de igualar.

Casa de pasto da Palmeira 03

Vaias por onde vaiais, o Porto ferve.
O pasado sábado tocounos pasear a Foz, un dos barrios máis atractivos, complexos e completos da cidade.

Casa de pasto da Palmeira 01

Comimos nun dos lugares de rabiosa moda: a Casa de Pasto da Palmeira, e tomamos o café en Tavi –tentámolo no Praia da Luz pero estaba imposible–. Logo gran paseo e escaparates pola avenida de Montevideu-Brasil. Certo que o día axudaba, pero resultou certemente espectacular.

Casa de pasto da Palmeira 02 Casa de pasto da Palmeira 06
Casa de pasto da Palmeira 11 Casa de pasto da Palmeira 08

A casa de pasto da Palmeira está na rúa do Passeio Alegre, fronte aos xardíns, con todo o Douro de decoración.
É un local bastante pequeno, con tres espazos diferentes: a terraza (óptima para un día como o sábado se non fose polo exceso de sol), unha pequena barra na sala intermedia, e o comedor –non máis de 20 lugares– ao fondo.
Todos son espazos rompedores, moi divertidos, sen límites á creatividade (por certo, un dos ingredientes básicos do éxito da receita do Porto actual).

Casa de pasto da Palmeira 07

O chef, Joao Lameiras, comparte éxito co seu outro local, tamén nunha zona que ferve, a rúa das flores (o LSD, Largo de Sao Domingos)

A carta está formada a base de ‘pratinhos’ perfectos para compartir. O Queijo frito com compota de bacon (pao tostado e pickles caseiros), as Lulas com chouriço de porco preto (e batata nova e migas de alho e salsa), ou as gambas salteadas com limao e manteiga (com cevadotto de tomate e ervas) son algúns exemplos.
Logo, un par de pratos algo máis contundentes (sen pasarse): a Coxa de pato confeitada (com batata nova e tomatinhos assados com tomilho) ou a Presa ibérica grelhada (com cogumelos e figos).

Casa de pasto da Palmeira 14 Casa de pasto da Palmeira 16

Pedimos a tábua de queixos portugueses (con compota de cebola), o ovo estrelado e berenxena frita (con xamón ibérico e crema de tomate) e as tartaletas de bacallao (con pemento e crema de oliva).

Casa de pasto da Palmeira 17

Tres bocados orixinais, divertidos e certamente ricos. Non acabo de decantarme por ningún deles; os tres nunha liña bastante semellante.

Casa de pasto da Palmeira 18 Casa de pasto da Palmeira 20

Para as sobremesas, un xeado caseiro de chocolate, e o Bolo de chocolate da Sandra picante (de suspiros caseiros e com natas).
Podo garantir que o bolo realmente picaba.

Comimos con cervexa e pagamos 17€ cada un.
Certo que, por cantidade, ben tería entrado un pratiño máis entre os dous, pero a verdade é que o prezo resulta altamente suxestivo (e había que deixar un hoco para os doces do Tavi).

Sen dúbida é un lugar para coñecer.
Quizá, para saborealo en todo o seu explendor, habería que coñecelo pola tardiña-noite, pero disque nas fins de semana resulta imposible conseguir unha mesa.

Casa de Pasto da Palmeira
João Lameiras
Rúa do Passeio Alegre, 450
4550, Porto
351 226 168 244
Faceboock
GPS: 41º08’51.3″N  08º39’59.1″W
Localización en Mapas de Google