para cando as dúas estrelas?

Había tempo que non iamos a Casa Solla. Notei un cambio moi perceptible que achega a Solla, agora si, á que debería ser a primeira segunda estrela Michelín para Galicia.

Son detalles nimios e algún que outro de maior peso.
Percibín, por exemplo, máis persoal no comedor, persoal máis profesionalizado, con ese equilibrio achegamento-profesionalidade que tanto me gusta.
Certa renovación na carta sen perder (ou talvez destacando aínda máis) as raíces galegas do produto e a cociña.
O paso pola cociña, a táboa de queixos, o sentido do humor…
Se nalgún momento puiden ter algunha dúbida, hoxe reivindico de forma clara a segunda estrela Michelín para Pepe Solla.

Pedimos o Menú gastronómico (85€ por persoa) e unha botella de Górgola (Rías Baixas, Cabana das Bolboretas); un espumoso galego, de barro, 100% albariño, que me gustou moito: perfecta ensamblaxe do método tradicional coa uva albariña que dá como resultado un espumoso clásico cunha gran presenza da froita; quizá o mellor espumoso galego dos que probei ata hoxe (32€).

Despois da brincadeira de saúdo (Bloody Mary ou non?) pasamos, primeiro aos snacks, e logo a unha sucesión de momentos moi especiais.

Casa Solla 05 Casa Solla 06 Casa Solla 07 Casa Solla 04
Paliños, ostra lima-limón, mochi de marisco, oliva negra recheada de queixo…

Casa Solla 08 Casa Solla 09
A cacheira san choi bao e a sopa de grelos

Casa Solla 12
Repolo, nabo encurtido, camarón e fumo

Casa Solla 15 Casa Solla 13
Coliflor e anguía de dúas maneiras

Casa Solla 17
Navalla e caldo de salazóns

Casa Solla 21 Casa Solla 22
A pescada e a pataca da súa caldeirada

Este é o momento no que, se queres, pasas á cociña para ver a elaboración da Ensalada de polo, allobranco e mole; tamén para degustala acompañada dunha fina sidra de pera (Poire Granit, de Enric Bordelet, Normandía).

Casa Solla 23Casa Solla 24Casa Solla 25Casa Solla 27Casa Solla 29Casa Solla 31

Casa Solla 32 Casa Solla 39
Ensalada de polo, allobranco e mole con sidra de pera

Casa Solla 36
Lumbrigante, morro de porco e capuchina

Casa Solla 37
Filloa-‘fajita’ de raxo afumado

Casa Solla 41
Sopa cítrica de aromáticas

Casa Solla 43
Leite callado de cabra, cabaza e aceda

Casa Solla 46
4 mazás e un pau de canela

Casa Solla 48Casa Solla 57
Casa Solla 50Casa Solla 51Casa Solla 52Casa Solla 53Casa Solla 54
Os queixos

Os chocolates:

Casa Solla 62 Casa Solla 63 Casa Solla 64
Casa Solla 65 Casa Solla 66

Muesli, Ferrero de Santiago, améndoas con chocolate branco, piruletas con pistacho, trufas, avelá crocante
Foi unha comida realmente especial.
Momentos? Moitos. Por non dicir practicamente todos; cada segundo, cada bocado teñen algo especial. A destacar a variedade dos produtos e as elaboracións e ese pouso galego sempre presente, mesmo cando se trata de preparacións, digamos, chinesas ou mexicanas.
Realmente especial a filloa de raxo afumada no momento, a navalla, a base da colifror cos petiscos de anguía, a pescada ‘a pelo’ (sen disfraces nin acompañamentos)…

Facturas 486

Destacar, tamén, o bo humor e a distensión que reina ao longo de toda a comida.
O anel que pecha o menú impreso resume ás mil marabillas o espírito de Solla: todo o que vedes arriba comino eu soíño.Para repetir periodicamente (sempre e cando o peto o permita!).

Casa Solla
Pepe Solla
Avda Sineiro 7
San Salvador de Poio
36005 Pontevedra
986 872 884
Web
Facebook
Cociña: creativa, actual, galega, tempada, produto
Prezo: menús: 85 e 110€
Peche: luns; domingo e xoves noite
Repsol: 3 soles
Michelín: 1 estrela
Tripadvisor: número 1 en Poio