Antiqvvm by Vitor Matos, en Porto, camiña seguro cara á estrela Michelín. Alta cociña nun ambiente luxoso e sofisticado a un prezo alto pero xustificado.
Despois do seu exitoso paso pola Casa da Calçada, o chefe Vitor Matos abre cociña e mesa en Porto, nos baixos da Quinta da Maceirinha, no local que en tempos ocupou o Solar do vinho do Porto.
Aínda que en polos opostos, a decoración está ao nivel do edificio que acolle o restaurante: requintada pero limpa, luxosa pero sen excesos, acolledora e suxerente ata nos mínimos detalles.
A oferta culinaria desenvólvese en dous menús e a posibilidade de elección á carta.
O primeiro menú de degustación, ‘Tradición renovada’, consta de 5 snacks e un complemento, tres entrantes, peixe, carne, unha selección de queixos, sobremesa e ‘as pequenas xoias’ do chef para acompañar o café. Este menú completo custa 80€ (40€ máis con maridaxe) e ofrece a opción (á que nos acollemos) de escoller ou a carne ou o peixe (75€).
Ten un segundo menú de degustación, máis amplo, por un prezo de 120€ por persoa.
Acompañamos con tres botellas de auga e unha de Post Scriptum (Douro de 2011, 35€).
Aí vai, completo, e coas súas fotos, o menú.
Xulgade por vós mesmos.
SNACKS
Sanduiche de Tártaro de vitela com mostarda antiga
Maki de presunto de vaca alentejana com rúculas, avelas e queijo ilha velho
Merengue de beterraba e foi gras
Polbo em pao panko com maionese de caril de Madras
Vieira marinada com perla de espumante
Foie gras com Moscatel do Douro
ENTRANTES
Ravioli de queijo da serra com manteiga de salva, trompetas da morte e folhas de capuchinha
Mexilhões em escabeche, cavala marinada, sardinha, tomate, pepino, coentros e daikom
Pimentos assados e creme de fígado de bacalhau
PEIXE
Bacalhau e mãozinhas de vitela Maronesa com grão-de-bico, cenourinhas e couves bio
Caldo de mãozinhas ligeiramente fumado, flores campestres
CARNE
Bochecha de porco preto glaceada com molho de vinho tinto do douro, tutano, cebolinhas glaceadas
Cuscos com chouriço de vinhais, favas e tomate seco caseiro, emulsão de segurelha silvestre
A SELECCIÓN DE QUEIXOS
Ilha de São Jorge furado e sua espuma, Azeitão com figos pingo de mel confitados
Molho de cereja balsâmica, beterraba, creme de maça e aipo
SOBREMESA
Maracujá em texturas, Coco-chocolate, Falso Limão de iogurte de baunilha, pinhões
Finger lime, bolo de limão e sorvete tangerina
AS PEQUENAS JÓIAS
Sería unha pretensión absurda pola miña parte tentar describir sabores e sensacións que acumulamos ao longo da comida; un imposible destacar un bocado especialmente saboroso, ou diferente, impactante, agradable, irreptible…
En Antiqvvv, de principio a fin, asistes a unha sucesión de experiencias marabillosas que non se limitan ao padal senón que acaban por afectar, un tras outro, a todos os sentidos.
O prezo?
Si, por suposto, é moito diñeiro. O menú de 75€ por persoa, coas bebidas, converteuse en 340€ entre os catro que estabamos á mesa.
Claro que a ocasión ben o merecía! Por ver a Pepe totalmente recuperado pagamos iso e moito máis (sobre todo se é el quen paga… para celebralo!).
Claro que a comida, posiblemente, o vale… Que comparada con outras comidas equivalentes (e mesmo sen saír do propio Porto), pode resultar que non sexa nin moito menos das máis caras.
Pero aínda así, aínda así… son moitos cartos!
Antiqvvm
Vitor Matos
Rúa de Entre-Quintas 220
4050-240 Porto
351 226 000 445
Web
Facebook
GPS: 41.147465N, 8.628304O
Cociña: Actual, creativa, de autor.
Prezo: Menú executivo na semana: 25€ Menús degustación: 80-120€
Peche: Domingo noite. Luns.