unha supercomida en maruja limón

Pois resulta que si, que era certo, que o programa completo si se correspondía coa publicidade, que non había letra pequena nin interpretacións dubidosas, que todo resultou como estaba prometido: menú de degustación (todo incluído) para dúas persoas en Maruja Limón, 24,5€ por persoa. 
Que si, que aínda hai quen dá pesos a catro pesetas.

tarxetamarujalimon1

Coñecín Maruja Limón cando aínda estaba no local antigo, alá por un lateral da Gran Vía.
Logo, cando deu o salto á rúa Vitoria, fixemos unha segunda visita.
Gardaba memoria dunha cociña OK, ben, correcta, pero sen sorpresas, sen tocar a fibra sensible.
Malia todo, un restaurante que, despois de recibir a estrela Michelín, ben merecía unha comida para dous por escasos 50 euros.

_1050835

Creo que o local é dos máis minimalistas que teño visto, en especial pola sinxeleza como están vestidas as mesas, todo en branco agás unha poliña con tres follas de camelia. Claro que eu gosto moito destes vasos de balón sen pé.
O servizo correcto, profesional, para as miñas preferenzas particulares, quizá algo frío e distante de máis -en especial a rapaza máis nova, a que nos atende a nós-, pero como xa temos visto (O servizo, correcto?) está característica é a que buscan moitos clientes.

Restaurante Mruja Limón
Aperitivo: Tomate mariñado con queixo de cabra, escarola e millo

Restaurante Maruja Limón
Entrante 1: Tartar de tenreira con queixo parmesán

Restaurante Maruja Limón
Entrante 2: Vieira con touciño de porco confitado e froita da paixón

Restaurante Maruja Limón
Entrante 3: Xema callada, setas de tempada, beicon e bechamel suave de trufa

Restaurante Maruja Limón
Peixe de mercado: Robalo asado con alcachofas

Restaurante Maruja Limón
Carne: Lombo de vaca salteado con patacas e trufas de mostaza

Restaurante Maruja Limón 
Sobremesa 1: Chocolate, branco e negro, con aceite de cacahuete

Restaurante Maruja Limón 
Sobremesa 2: Vainilla, mazá asada e canela

Restaurante Maruja Limón
Petit Fours: Trufa de chocolate e tella

Desde o primeiro bocado (e en especial o  primeiro bocado, sensacional, merecedor de superar o de ‘aperitivo’ e converterse en prato por dereito propio), un menú fantástico da cabeza aos pés. Non sei se quedarme coa mestura mar-cortello (sabedes da miña debilidade polo touciño… se é acompañado dunha deliciosa vieira, xa non che quero contar nada!), coa orixinalidade-acerto dun ovo callado distinto aos demais, co saborosísimo robalo ou co impecable lombo de vaca coas súas explosivas esferas de mostaza.

_1050842 _1050845

O das sobremesas merece un punto e á parte.
Para un lambón coma min, o goloso de chocolate é suficiente presentación; pero é que, ademais, o sabor, a textura, o contraste… de cada bocado lévame á gloria. E, logo, a vainilla cos tropezóns de mazá e o aroma a canela pechan o círculo á altura do primeiro trazo.

En fin. Esquecede o de OK.
Maruja Limón é un superrestaurante cun supermenú que paga ben a visita e mesmo pide unha ou varias repeticións.
No meu ranking particular, sen dúbida unha das mellores comidas dos últimos meses. Orixinal, sen estridencias, completa, equilibrada, moi natural, sen artificios innecesarios e, sobre todo, moi, moi rica.
Ollo, estades avisados, igual que nós: prometen renovar a superoferta.

Maruja Limón
Rafael Centeno
Rúa Vitoria 4
36201 Vigo
Teléfono: 986 473 406
Enderezo-E
Web
Michelín: 1 estrela
Repsol: 1 sol
Verema: 8,5
Lo mejor de la gastronomía: 7
Gourmetour
El Viajero-El País: 1 copa


Translate »