O Belle Époque, restaurante do hotel Curia Palace, ofrece todo o confort, todo o luxo, toda a decadencia dos dourados anos vinte. Unha cea aquí é un regreso ao pasado.
Imaxe da web do hotel
O Curia Palace foi inaugurado no ano 1926. Presume de ser o precursor do que hoxe é o turismo termal. No seu día construíuse sen reparar en gastos, con todas as comodidades e avances tecnolóxicos do momento, preparado para acoller ás clases máis selectas da sociedade portuguesa.
En 2008 foi totalmente renovado e actualizado
Esta é a descrición que fai o propio hotel do seu restaurante: Num ambiente original dos gloriosos Anos 20, excepcionalmente preservado, com seu conjunto de móveis Arte Nova, seus painéis murais em madeira com frutas esculpidas, dignos de apreciação demorada, seus clássicos pratos prateados na parede representando mestres da pintura flamenga, seu pé direito de dimensões surpreendentes, sua galeria com o varandim em delicado ferro forjado, suas amplas portadas que dão acesso ao amplo terraço exterior com vistas sobre os tranquilos vales da Bairrada e a omnipresente Serra do Buçaco, o “Belle Époque” constitui um porto seguro para todos aqueles que…
O marco, efectivamente, é incomparable, na publicidade non hai nin un ápice de esaxeración, todo resulta tal e como o pintan; un comedor realmente marabilloso.
A carta é internacional, con entrantes (Bouchée de Leitão da Bairrada, redução de Porto e bouquet de alfaces 7€, ou Salada de alface com aipo, cubos de Rabaçal ao mel e balsâmico 6€); sopas (Sopa fria de melão ao serrano crocante 2.5€; Creme de cenoura com agriões 2€ ou Consommé de alho francês e cogumelos, óleo de trufa branca 2.5€); peixes (Bacalhau no forno com crosta de broa e de coentros ao azeite de primeira pressão, sua batata dourada, couve lombarda salteada con chouriço da Beira 13€, ou Polvo grelhado ao azeite de citronela, batata assada, grelos salteados com nozes e passas 14€); carnes (Tradicional bife à portuguesa, sua fatia de presunto, batata salteada com salsa 14€; Chafana ao Buçaco Tinto Reserva do 2013, batatas cozidas, grelos de nabo salteados ao alho 12€; ou os Lombinhos de porco em reduçao de Bairrada bruto tinto, açorda de tomate e coentros, couve roxa salteada com maça verde 13€); e as sobremesas (tábua de queijos portugueses 6€; Selecçao de doçaria tradicional 4€ e Corbeille de frutas da estaçao 3.5€).
A nosa reserva, en noite de venres, inclúe o cuarto dobre, o almorzo (buffete moi aceptable) e a cea por un prezo total de 55€ persoa.
A cea consiste en elixir un primeiro, un prato principal e unha sobremesa; bebidas á parte.
De entrantes pedimos as Gambas vaporizadas ao alho francês e gengibre, salada verde, vinagreta de erva principe e Ovo escalfado, espargos verdes, presunto Serrano.
De prato, os Lombiños de pescada cozidos com todos e os Históricos filetes de pescada dourados, maionese de tomate e pimentos, batata ao vapor, salsa frita.
De sobremesa: Mousse de chocolate e Leite creme.
A verdade é que a carta é máis intencións que realidades. A cea resulta tirando a discreta, en especial os entrantes. Non é que estea mala, non, nin moito menos, pero tampouco é para botar foguetes, non responde as exquisiteces que anuncia a carta. Claro que, dentro do seu nivel intermedio, e unida a este ambiente engaiolanta,gaña moitos enteiros, tantos como para facerse merecedora deste comentario e dunha recomendación especial.
Dúas notas finais. Para os nostálxicos: este foi o espazo en que se gravou a película Palace (1996) de Tricicle. Para os deportistas: entre os anexos exteriores ao hotel está a piscina, a máis antiga de Portugal en funcionamento; unha preciosa construción Art Deco de estilo náutico.
Belle Époque
Hotel Curia Palace
Avda dos Plátanos s/n, Curia
3780-541 Anadia
351 231 510 300
GPS: 40.424049N, 8.462353O
Web
Cociña: internacional
Prezo: 30€