un menú de bonos no pandemonium

Na procura de éxitos anteriores (Maruja Limón, Pepe Vieira, Yayo Daporta), cando nos chegou información duns bonos para menú de degustación en Pandemonium compramos seis para celebrar alí a fin de tempada de verán.
Coma sempre, Flori, Luz, Luis, Luis e nós.

Pandemonium

A oferta consistía en tres aperitivos, cinco pratos, sobremesa e unha bebida; todo o anterior por persoa e por un prezo de 29,5€ cada un.
Pandemonium é un local extremadamente coidado nos pequenos detalles; a enorme parede lateral decorada cunha interpretación do Xardín das ledicias do Bosco, fala dunha sensibilidade especial non presente noutros locais de pretensións. As cores, os cadros orixinais, algunha escultura…

Pandemonium 03Pandemonium 06

Para beber, auga, dúas copas de albariño e unha botella de Viña Amezola (Rioxa, crianza de 2009). O tinto, moi bo e seica cunha atraente relación calidade-prezo.

Pandemonium 15Pandemonium 16Pandemonium 17

Os entrantes consisten nunha crema de anchoa con guacamole, uns mexillóns con alga wakame e un tartar de bonito.

Pandemonium 18
Guiso de pataca con zamburiña e espárrago trigueiro

Pandemonium 19
Navallas con touciño

Pandemonium 20
Roupa vella con garavanzos

Pandemonium 21
Bonito de Burela con vinagreta cítrica

Pandemonium 22
Roast beaf de vaca galega

Pandemonium 23
Pastel fluído de chocolate con xeado de chocolate

Desde o punto de vista da cociña, a comida gustoume; uns pratos máis e outros menos, como é lóxico, pero a un nivel que podería xustificar os recoñecementos que si reciben outros compañeiros do grupo nove.
No plano positivo, o mar e terra das navallas, a roupa vella e, en especial, un logradísimo guiso de pataca coa vieira.
No extremo contrario poría os entrantes. Xa sabedes que non son moi amigo das algas e a crema de guacamole non me dicía moito.
Claro que máis de un dos meus compañeiros de mesa valora o mexillón con wakame como un bocado moi especial, dos mellores da degustación.
Isto vai cos gustos de cada quen…

Cuestión á parte é a satisfacción global. Clara división de opinións.
A miña. A comida antollóuseme tirando a escasa; certo que cumpría coa publicidade da oferta en número de pratos, pero as cantidades estaban por debaixo das expectativas; así, por exemplo, os chamados ‘entrantes’ eran practicamente iguais aos ‘pratos’, apenas existían diferenzas; agás a vieira co guiso de patacas, o resto de pratos de carne e peixe non levaban ningún tipo de acompañamento.

Segundo a publicidade, e copio textual, o menú de degustación de 140€ a parella, pasaba a un prezo de 59 (58%, 81€ de aforro).
29,9€ por persoa polo menú que comimos está ben, paréceme un bo prezo, coñezo a oferta, vexo o que como e sei o que pago. Un menú de degustación curto a un prezo inferior al menú de degustación.
Pero se polo menú de onte me cobran os 70€ que se supón que era o seu prezo real segundo a publicidade…

Síntoo, pero, así, non.

Restaurante Pandemonium
Antonio Botana
Rúa do Albariño 16
36630 Cambados
Teléfono: 986 543 638
Web
antoniobotana@gmail.com
GPS: 41,512064N   8,814583ºW
Localización en Mapas de Google