, ,

un brunch na taberna do bonjardim

Na última entrada, e a raíz dos múltiples comentarios que cada vez se escoitan máis e máis sobre os brunch (Un brunch no Porto), facía o meu particular achegamento ao cosmopolitismo de Porto.

Porto Panorámica dende Gaia

É certo. Porto é unha cidade moi cosmopolita. Pero se algo hai que de verdade a caracterice, mesmo por riba da modernidade, son os contrastes.
As casas de Miragaia fronte as de Sobreiras. A roupa tendida fronte á fachada da Casa da Música. São Francisco fronte a Serralves. O Bolhão e Vía Catarina. A Baixa e o Parque da Cidade. Nasoni e Souto de Moura, as tripas e o sashimi, São Bento e Saa Carneiro, o mar e o río, o Escondidinho e o Shis.

  Museo de Serralves 10

En fin, para o visitante novel, a clave para entender unha cidade que non sempre entra á primeira, está en saber ver, en valorar, en aprezar o contraste. Porque, por definición, o contraste existe grazas aos dous extremos e a cada un deles, e un sen o outro, perde a metade da propia esencia.

Vigo no Porto

Equidistantes da Cámara Municipal de Porto están a nova estación de metro de Trindade, de Siza Vieira, e a rúa do Bonjardim, máis que rúa, típica ruela portuense, estreita, de casas pechadas e destartaladas, algún que outro cadáver de comercio de barrio, roupa nas ventás, empedrado de adoquíns incompatible con tacóns altos… 
Por certo, para pasar da rúa da Trindade á do Bonjardim podemos facelo a través da rúa Estêvão, e alí, no centro, saquei a fotografía de ‘Vigo no Porto…’.

Taberna do Bonjardim 04 Taberna do Bonjardim 06

No caso de seguir o camiño indicado, imos caer á rúa do Bonjardim xusto á altura do noso destino: a Taberna do Bonjardim. Un oasis na vulgaridade desta céntrica rúa que nalgún momento houbo de ter o seu certo esplendor.
Unha sorpresa. Un contraste máis…
A fachada, reformada, destaca do contorno polo seu estado de conservación; rehabilitada en branco e verde, anuncia desde unha pizarra un tanto emborranchada que si, que efectivamente, que hoje há bruch, e máis concretamente entre as 13.oo e as 16.oo horas e 15 euros persoa).

bonjardim Taberna do Bonjardim 02

Pero a esencia pura do contraste atopámola no interior. Local pequeno, en tres andares (barra, sala e aseos), empapelado todo el a base de madeiras de caixas de viño de Porto, destaca polo bo gusto na decoración.

Taberna do Bonjardim 07 Taberna do Bonjardim 08

O aspecto é moi coidado, fermoso, estraordinariamente acolledor.
Soamente se aceptamos a orixe do bristot francés nas tascas populares e tradicionais do París de principios do século XX, transformadas logo á estética da modernidade dos anos sesenta, podemos pasar polo de taberna para esta do Bonjardim.
Porque o primeiro andar, co seu aire informal, un tanto ecléctico, sen disonancias, con cada detalle no seu lugar, con moita cor e madeira e sen desprezasr o branco… é un espazo que te transporta ao París do 68.

Taberna do Bonjardim 09Taberna do Bonjardim 11Taberna do Bonjardim 12

Paga a pena vir á Taberna do Bonjardim só por comer (no podo nin imaxinar o glamour dunha cea romántica) neste pequeno comedor.
O brunch, motivo que nos trouxo aquí, case quedaría nun segundo lugar.
Mais non. Sen saírse do guión, a comida é boa. Todo o boa que pode ser nun buffet de quince euros para un máximo de, máis ou menos, vinte comensais.

Taberna do Bonjardim 19 Taberna do Bonjardim 17

De bebidas quentes temos café, leite e infusións, e frías, auga, zume de limón e zume de grosellas (artificial), e viños branco e tinto.
Crema de allo porro (alho francés), ovos revoltos, salchichas, empadão de peixe (dúas capas de puré de pataca recheadas cun peixe guisado e un chisco gratinado ao forno), ensalada, tomate con queixo fresco, pizza vexetal, queixo, paio de lombo.
Froita laminada (kiwi, laranxa e ananás), torta de limón, bólo doce e panquecas (‘tortitas‘, ‘crêpes‘, con moitas variantes, e en esencia, as nosas filloas pero un pouco máis grosas e de menos diámetro) co seu mel e a marmelada para rechear.
(A sopa e as panquecas, para que estean quentiñas, hai que pedilas, veñen directamente da cociña sen pasar polo buffet

 Taberna do Bonjardim 20 Taberna do Bonjardim 21

Gustoume a experiencia. Non teño criterio para valorar obxectivamente a calidade do brunch (teremos que probar algún outro) pero globalmente, a mestura local-comida-prezo, paréceme absolutamente recomendable.

Taberna do Bonjardim
Rúa do Bonjardim 450
Porto 4000-117
Tfno: (351) 222 013 560
E-Electrónico
Facebook
GPS: +41° 9′ 1.27"N  8° 36′ 33.76"W
Localización en Mapas de Google