A Xanela gastronómica Ponteareas

asomámonos ao menú da xanela

A Xanela gastronómica ofrece un apetecible menú do día semanal. Primeiro prato, segundo, sobremesa, bebida e pan, 15€. Todo, coa delicadeza e boa man de Ángel Martínez e Víctor Otero.

A Xanela gastronomica 3

Coñecín A Xanela alá por novembro de 2016, e escribín as miñas sensacións en A Xanela Gastronómica.
Daquela era un segredo ben gardado polos ponteareáns; de feito, se chegamos, foi grazas a un deles.
Entón escribín que se trataba dunha agradable sorpresa e que había que seguir á Xanela moi de preto, que a nada que pulisen algúns pequenos detalles, converteríase, de certo, nun local de longo percorrido.

Choveron todas as augas de cinco outonos, e aí está, empoleirado nun lugar de privilexio na cada vez máis esixente restauración galega.
A recomendación da Michelín e o destacadísimo cuarto lugar de toda a provincia de Pontevedra en TripAdvisor, upan á Xanela a un merecido 29 lugar na lista de mellores restaurantes galegos de 2021 segundo as guías (ver o cadro de honra completo). Está ao nivel Paprica, Pacífico ou a celebrada Taberna Meloxeira que visitamos hai apenas un mes, e supera a grandes clásicos como España, Artabria ou o Asador Coto Real, por citar só algúns exemplos.

A Xanela Gastronómica

Un éxito importante que se apoia nun traballo serio, na aposta por unha cociña clásica actualizada con moito fundamento, nun local moi agradable, e nun servizo que sabe o que ten entre mans.
Ah!, claro, en nuns prezos que animan a volver.

Hoxe iamos ao menú do día, un menú que enche a diario e para o que hai que reservar.
Trátase dunha proposta semanal para elixir entre tres primeiros pratos, tres segundos pratos e tres sobremesas que, xunto co pan e a bebida, chega aos 15€. Ademais, en cada un dos momentos existe un prato cun pequeno sobreprezo que, no peor dos casos, pode facer chegar o menú completo aos 22€.

Non se trata dun menú do día barato.
Pero tampouco creo que se poida falar dun ‘menú do día’ ao uso.
Hai locais que, para salvar a vulgaridade da diária –que dirían os irmáns portugueses–, e para xustificar un prezo algo máis elevado, utilizan expresións como a recorrente do ‘menú executivo’.
En fin, postos a este nivel, o por dicilo dun xeito claro, o da Xanela estaría máis cerca dun menú de executivo que dun menú do día.

Velaí, senón, a proposta de hoxe:

Primeiro prato: Ensalada de endivias, touciño entrefebrado, noces e roquefort; Croquetas de xamón e alioli suave de allo asado; Zamburiñas “ó godello” (+3€).
Segundo prato: Roliños de robaliza, crema de plátano e pementos; Segredo de Ibérico e salsa Périgueux (+3€); Ragout de vaca e pataca kartoffel.
Sobremesa: Empanada follada de mazá; Biscoito fluído de castañas, escuma de augardente, chocolate branco e violetas (2€); Arroz con leite e esponxa-M de améndoa amarga.

A Xanela gastronomica 5

Antes de comezar, xa queda perfectamente delimitado o terreo no que nos movemos.
E isto, grazas a un aperitivo, cos saúdos do chef, marca da casa.
Estamos ante un nigiri de salmón afumado coroado por un ovo de paspallás fritido.
Un bocado saboroso e rebuldeiro que degusto con moita satisfacción e que fala dese espírito de fusión tan presente na cabeza dos cociñeiros.

A Xanela gastronomica 7   A Xanela gastronomica 9

Para os primeiros decidimos compartir as croquetas e a ensalada.
Como adoita ocorrer nestes casos, a cada quen gústalle máis o prato que elixiu.
A miña ensalada pareceume un conxunto delicioso; a destacar os tropezóns de queixo e ese mollo de soia (fresca, intensa, non excesivamente forte) que dá unidade ao prato.
As croquetas, perfectas na execución, tamén moi ricas…, pero é que a ensalada está riquísima.

A Xanela gastronomica 11   A Xanela gastronomica 15

De segundo, os rolos de robaliza e o ragout.
En contra da norma (pero consonte á evolución do meu padal), gústame máis o peixe que a carne (se pedimos un de cada foi máis por probar de todo que por ten preferencia pola carne; deste xeito, acabamos compartindo –é un falar– un pequeno menú de degustación: dous medios entrantes, media de peixe, media de carne e dúas medias sobremesas).
A robaliza, co seu recheo de verduriñas e o mollo de pemento, cociñada nun punto que mantiña todo o sabor e a textura de peixe, pareceume un bocado de primeira.
Pola contra, o ragout (tenro e saboroso, integrado nunha salsa espesa e potente) pecaba un chisco de exceso de sal; non entendín moi ben o acompañamento: pataca cocida, esmagada co garfo e lixeiramente aromatizada; non entendo o significado de pataca kartoffel (pataca-pataca?).

A Xanela gastronomica 18    A Xanela gastronomica 19

Na primeira visita destacaba o especial punto de atención que prestan ás sobremesas na Xanela.
Hoxe confirmei aquela primeira impresión.
Probamos a empanada follada de mazá e o biscoito fluído de castañas.

A Xanela gastronomica 17    A Xanela gastronomica 20

Se en todos os pratos a presentación é moi esmerada (ollade para os roliños), cando chegamos ás sobremesas o empratado rompe moldes.
O doce outonal a base de castañas, ademais de ser un xogo perfecto de cores, sabores e texturas, ten unha estética realmente fermosa.
Neste caso hai un empate técnico: imposible destacar unha sobremesa sobre a outra; se unha é unha conxunción moi traballada de diferentes elementos tomando como base a castaña, a empanada, dentro do seu clasicismo, ten un acabado excepcional.

Con copa de tinto Ribera, caña de cervexa e café, pagamos 16,60€ (a sobremesa de castaña era dos pratos que tiñan suplemento).

Teño un vello amigo, psiquiatra el, que mantén que o nivel de vida dun país ou cidade, ou máis ben o custo da vida, mídese polo prezo do café.
Polo café cobran 1.10€, prezo que axuda a comprender o nivel do que pode ser unha factura media fóra do menú semanal..

Xa non se trata de descubrir, tampouco de seguir de cerca.
A cuestión é que A xanela gastronómica é unha realidade que hai que revisitar periodicamente.

A xanela gastronómica
Ángel Martínez e Víctor Otero

Rúa Real 62
36860 Ponteareas (Pontevedra)
886 216 997
Facebook
www.axanelagastro.com
Instagram
GPS: 42.176244N, 8.500062O
Cociña: tradicional actualizada
Peche: luns
Prezo: 15-35€
Prato Michelín
Posto 4 da provincia de Pontevedra en TripAdvisor
Posto 29 do listado xeral de restaurantes de Galicia de C,LE

Como, logo existo Mellores restaurantes galegos

guía dos mellores restaurantes de portugal norte

Elaborada a partir do recoñecemento de cada restaurante por parte de: blog Mesa Marcada, guía Boa cama Boa mesa, Michelín, TripAdvisor. Na entrada Fontes están os criterios para a puntuación.

1GPousada
1. G-Pousada

Bragança
Óscar Geadas
Estrada do Turismo s/n
5300-271 Bragança
+351 273 331 493
www.gpousada.com
Facebook
Instagram
GPS: 41.802786N, 6.754300O
Cociña: Autor en base a cociña tramontana
Diario, só pola noite
Prezo: 61-170€
Mesa Marcada: 33
Michelín: Estrela
Boa Cama, Boa Mesa: Garfo de Ouro
TripAdvisor: Bragança 15º
A última visita de C,LE

2ACozinha
2. A Cozinha

Guimarães
António Loureiro
Largo do Serralho 4
4800-472 Guimarães
+351 253 534 022
restauranteacozinha.pt
Facebook
Instagram
GPS: 41.442969N, 8.294080O
Cociña: moderna
Peche: domingo, luns
Prezo: 55-100€
Mesa Marcada: 30
Michelín: Estrela
Boa Cama, Boa Mesa: Garfo de Ouro
A última visita de C,LE

3LargoDoPaço
3. Largo do Paço
Amarante
Tiago Bonito
Largo do Paço 6
4600-017 Amarante (Porto)
351 255 410 830
web
Instagram
GPS: 41.268539N, 8.077519O
Cociña: moderna
De martes a sábado só pola noite
Prezo: 90-145€
Mesa Marcada: 64
Michelín: Estrela
Boa Cama, Boa Mesa: Garfo de Prata
TripAdvisor: Porto 54º

4TascaDoZeTuga
4. Tasca do Zé Tuga
Bragança
Luis Portugal
Rua da Igreja 68
5300-025 Bragança
+351 273 381 358
Facebook
Instagram
GPS: 41.803473N, 6.748717O
Cociña: tradicional
Peche: martes
Prezo: 30-50€
Mesa Marcada: 82
Michelín: Bib Gourmand
Boa Cama, Boa Mesa: Si (tamén en Tascas e Petiscos)
TripAdvisor: Bragança 11º

5Ferrugem
5. Ferrugem
Portela, VNF
Renato Cunha
Rua das Pedrinhas 32, Portela
4770-379 Vilanova de Famalicão
+351 252 911 700
ferrugem.pt
Facebook
Instagram
GPS: 41.461821N, 8.448093O
Cociña: Moderna
Peche: domingo noite; luns
Prezo: 40-60€
Mesa Marcada: 45
Prato Michelín
Boa Cama, Boa Mesa: Garfo de Ouro
A última visita de C,LE

6Brasa
6. Brasa
Macedo de Cavaleiros
Sérgio Pinto
Rua Sao Pedro 4
5340-259 Macedo de Cavaleiros
+351 278 421 722
Facebook
GPS: 41.537232N, 6.965686O
Cociña: portuguesa, internacional
Peche: luns
Prezo: 25-40€
Michelín: Bib Gourmand
Boa Cama, Boa Mesa: Si
TripAdvisor: Bragança 4º

7Louro
7. Louro
Viana do Castelo
Ana Afonso e André Campelo
Rua do Esteiro 5, A Torre
4925-610 Viana do Castelo
+351 258 115 180
lourorestaurante.pt
Facebook
Instagram
GPS: 41.715205N, 8.7163826O
Cociña: autor
Peche: domingo noite; luns
Prezo: 16-40€
Prato Michelín
Boa Cama, Boa Mesa: Si
TripAdvisor: Viana 1º

7Carvalho
7. Carvalho
Chaves
Ilda Lobo
Largo das Caldas 4
5400-523 Chaves
+351 276 321 727
restaurante-carvalho.com
GPS: 41.737913N, 7.470253O
Cociña: tradicional
Peche: domingo noite; luns
Prezo: 20-35€
Michelín: Bib Gourmand
Boa Cama, Boa Mesa: Si
TripAdvisor: Vila Real 8º
A última visita de C,LE

9OJavali
9. O Javali
Bragança
Maria do Carmo
Estrada Do Portelo, Km 5
5300-672 Baragança
+351 273 333 898
ojavali.pt
Facebook
GPS: 41.836334N, 6.747513O
Cociña: rexional
Peche: martes
Prezo: 25-45€
Michelín: Bib Gourmand
Boa Cama, Boa Mesa: Si (tamén Tascas e Petiscos)
TripAdvisor: Bragança 40º

10Caisdavilla
10. Caisdavilla
Vila Real
Daniel Gomes
Rua Monsenhor Jerónimo do Amaral 6
5000-570 Vila Real
+351 259 351 209
caisdavilla.com
Facebook
GPS: 41.293613N,  7.739731O
Cociña: tradicional
Peche: domingo noite
Prezo: 15-55€
Prato Michelín
Boa Cama, Boa Mesa: Si
TripAdvisor: Vila Real 15º

11TasquinhaDaLinda
10. Tasquinha da Linda
Viana do Castelo
R. dos Mareantes A 10
4900-350 Viana do Castelo
+351 258 847 900
tasquinhadalinda.com
Facebook
Instagram
GPS: 41.688706,  8.836555O
Cociña: tradicional, mar
Peche: domingo
Prezo: 25-48€
Michelín: Bib Gourmand
Boa Cama, Boa Mesa: Si
TripAdvisor: Viana 23º

11MariaRita
12. Maria Rita
Mirandela
Largo da Capela 620, Romeu
5370-620 Mirandela
+351 278 939 134
quintadoromeu.com
Facebook
GPS: 41.529575N, 7.058863O
Cociña: tradicional
Peche: domingo noite; luns
Prezo: 40€
Mesa Marcada: 219
Boa Cama, Boa Mesa: Si
TripAdvisor: Bragança 16º

12Chaxoila
12. Chaxoila
Vila Real
EN 2, Borralha
5000-062, Vila Real
+351 259 322 654
Facebook
Instagram
GPS: 41.316599N, -7.732402O
Cociña: tradicional
Prezo: 25€
Mesa Marcada: 222
Boa Cama, Boa Mesa: Si (tamén Tascas e Petiscos)
TripAdvisor: Vila Real 39º

12ACarvalheira
12. A Carvalheira
Ponte de Lima
Rua do Eido Velho, Fornelos
4990-620, Ponte de Lima
+351 258 742 316  /  +351 931 100 062
acarvalheira.com
Facebook
GPS: 41.738644N, -8.562053O
Cociña: tradicional
Peche: luns
Prezo: 28-40€
Prato Michelín
Boa Cama, Boa Mesa: Si
TripAdvisor: Viana 37º

12SaberAoBorralho
12. Saber ao borralho
Arcos de Valdevez
Rosa Rocha
Avenida 25 de Abril – Caminho da Costa Velha
4970-656, Soajo
Código-Provincia
+351 933 204 718
Facebook
Instagram
GPS: 41.87721N,  8.26839O
Cociña: tradicional
Peche: luns e martes
Prezo: 20-30€
Boa Cama, Boa Mesa: Si
TripAdvisor: Viana 4º

16OAbel
16. O Abel
Gimonde
Sra. Clóris
Rua do Sabor, Gimonde
5300-551 Bragança
+351 273 382 555
oabel.pt
Facebook
Instagram
GPS: 41.801315, 6.697548O
Cociña: tradicional
Peche: domingo noite
Prezo: 15-25€
Boa Cama, Boa Mesa: Si
TripAdvisor: Bragança 6º

17SaboresDaQuinta
17. Sabores da Quinta
Celorico de Basto
Rua Dr. Francisco Xavier Meireles, Molares
4890-414, Celorico de Basto
+351 965 041 113
Facebook
Instagram
GPS: 41.415665N, 7.986158O
Cociña: tradicional
Peche: luns; martes, mércores, xoves e domingo noite
Prezo: 20-30€
Boa Cama, Boa Mesa: Si
TripAdvisor: Vila Real (?) 11º

17CasaDaCainha
17. Casa da Caínha
Mondim de Basto
Rua Velha, Lugar do Outeiro
4880-250 Mondim de Basto
+351 966 769 265
Facebook
Instagram
GPS: 41.41175N, 7.953122O
Cociña: tradicional
Prezo: 10-20€
Boa Cama, Boa Mesa: Si
TripAdvisor: Vila Real 12º

17AdegaSabino
17. Adega Sabino
Melgaço
Odete Costa
Largo Hermenegildo Solheiro 46
4960-551 Melgaço
+351 251 404 576
adega-sabino.com
Facebook
GPS: 42.113195N, 8.259316O
Cociña: rexional
Peche: martes; luns noite
Prezo: 15-25€
Boa Cama, Boa Mesa: Si
TripAdvisor: Viana 15º

17TasquinhaDaPortela
17. Tasquinha da Portela
Melgaço
Portela, Paderne
4960-263 Melgaço
+351 968 825 682
Facebook
GPS: 42.089764N, 8.275949O
Cociña: tradicional
Peche: martes; luns noite
Prezo: 15-25€
Boa Cama, Boa Mesa: Si
TripAdvisor: Viana 16º

16OGeadas
17. O Geadas
Bragança
Rua do Loreto
5300-189 Bragança
+351 273 324 413
Facebook
Instagram
GPS: 41.801093N, 6.762142O
Cociña: rexional
Peche: domingo noite
Prezo: 25-40€
Boa Cama, Boa Mesa: Si
TripAdvisor: Bragança 17º

17Caneiro
17. Caneiro
Cabeceiras de Basto
Lugar do Caneiro, EN 206, Arco de Baúlhe
4860-063 Cabeceiras de Basto
+351 962 895 277
Blog
Facebook
Instagram
GPS: 41.490385N, 7.962867O
Cociña: tradicional
Peche: luns; domingo noite
Prezo: 25-40€
Boa Cama, Boa Mesa: Si
TripAdvisor: Vila Real (?) 19º

17TabernaTiJoao
17. Taberna Ti João
Boticas
Rua do Lameirão 1
5460-130, Carvalhelhos, Boticas
+351 938 936 712
tabernatijoao.pt
Facebook
GPS: 41.686708N, 7.726490O
Cociña: rexional
Peche: luns a xoves; venres mediodía; domingo noite
Prezo: 15-25
Boa Cama, Boa Mesa: Si (tamén Tascas e Petiscos)
TripAdvisor: Vila Real 40º

24CasaDoPreto
24. Casa do Preto
Pitões das Júnias
Largo do Salgueiro 3, Pitões das Júnias
5470-370 Montalegre, Portugal
351 276 566 158
casadopreto.com
Facebook
Instagram
GPS: 41.84145N   7.94792O
Cociña: rexional
Peche: xoves
Prezo: 15-25€
Mesa Marcada: 273
TripAdvisor: Vila Real 6º

24TaskaQuimBarbeiro
24. Tasca Quim Barbeiro
Vidago
Largo do Mercado 29
5425-304 Vidago, Chaves
+351 967 460 933
GPS: 41.640067N,  7.572724O
Cociña: tradicional
Peche: luns
Prezo: 10-20€
Tascas e Petiscos: Si
TripAdvisor: Vila Real 29º

26SaoGiao
26. Sao Gião
Moreira de Cónegos
Pedro Nunes
Av. Comendador Joaquim de Almeida Freitas 56
4815-270 Moreira de Cónegos, Guimarães
+351 253 561 853
Facebook
GPS: 41.379857N,  8.355285O
Cociña: portuguesa delicada
Peche: luns; domingo noite
Prezo: 30-51€
Mesa Marcada: 144
Michelín: Bib Gourmand
Boa Cama, Boa Mesa: Si
A última visita de C,LE

26Petiscas
26. Petiscas
Ponte de Lima
Largo da Alegria
4990-154, Ponte de Lima
+351 258 931 347 / +351 964 006 607
Facebook
Instagram
GPS: 41.769635N,  8.589295O
Cociña: tradicional
Peche: luns
Prezo: 25-30€
Prato Michelín
TripAdvisor: Viana 24º

26TascaDoAçougue
26. Tasca do Açougue
Montalegre
Terreiro do Acougue 7
5470-250 Montalegre
+351 276 511 164
Facebook
GPS: 41.825426N,  7.791595O
Cociña: tradicional
Peche: luns, martes
Prezo: 5-15€
Tascas e Petiscos: Si
TripAdvisor: Vila Real 35º

29Camelo
29. Camelo
Viana do Castelo
Santa Marta 119, Portuzelo
4925-104 Viana do Castelo
+351 258 839 090
camelorestaurantes.com
Facebook
Instagram
GPS: 41.709450N, 8.772253O
Cociña: tradicional
Peche: luns; domingo noite
Prezo: 28-35ۼ
Mesa Marcada: 273
Boa Cama, Boa Mesa: Resiliência
TripAdvisor: Viana 62º
Michelín: BibGourmand
A última visita de C,LE

29Cardoso
29. Cardoso
Vila Real
Rua Miguel Bombarda 42, 4
5000-625 Vila Real
+351 259 325 329
Facebook
GPS: 41.298135N, 7.742155O
Cociña: tradicional
Peche: domingo
Prezo: 10-20€
Tascas e Petiscos
TripAdvisor: Vila Real 44º

29OMoinho
29. O Moinho
Ponte da Barca
Campo do Côrro 1
4980-614 Ponte da Barca
+351 915 315 672
Facebook
GPS: 41.808209N, 8.422301O
Cociña: tradicional
Peche: luns noite; martes
Prezo: 15-35€
Boa Cama, Boa Mesa: Si
TripAdvisor: Viana 44º

29ATulha
29. A Tulha
Ponte de Lima
R. Formosa 4
4990-117 Ponte de Lima
+351 258 94 2879
Facebook
Instagram
GPS: 41.768641N, 8.583225O
Cociña: tradicional
Peche: domingo noite; luns
Prezo: 20-30€
Boa Cama, Boa Mesa: Si
TripAdvisor: Viana 46º

OLaranjeira
29. O Laranjeira
Viana do Castelo
Rua Manuel Espregueira 24
4900-318, Viana do Castelo
+351 258 822 258 / +351 964 990 730
olaranjeira.com
Facebook
GPS: 41.692871N, 8.829132O
Cociña: tradicional
Peche: mércores
Prezo: 15-25€
Boa Cama, Boa Mesa: Si
TripAdvisor: Viana 47º

E, ademais:

34. Biclaque (Ribeira da Pena). BCBM / TA 51º

34. O Vaticano (Terras de Bouro). BCBM / TA 59º

34. Don Roberto (Gimonde).  MM 222º / BCBM / TA 72º

37. Cozinha da Terra (Louredo). MM 273º / BCBM / TA 100º.

37. Arcoense (Braga). MM 95º / BCBM

37. Pedra Furada (Barcelos). BG / BCBM

37. Le Babachris (Guimarães). BG / BCBM

37. Açude (Ponte de Lima). PM / TA 57º

42. O Vitor (Póvoa de Lanhoso). MM 180º / BCBM

42. Turismo Lounge (Barcelos). PM / BCBM

42. Salão Nobre (Vidago). PM / BCBM

42. Hool (Guimarães). PM / BCBM

42. 7 à 7 (Monção). BCBM / TA 73º

42. Taberna do Valentim (Viana do Castelo). BCBM / TA 78º

42. Dom Pedro Pitões (Montalegre). BCBM / TA 79º

42. Flor de Sal (Mirandela). BCBM / TA 82º

50. Dona Júlia (Braga). MM 167º / PM

50. Casa Ventura (Amarante). MM 222º / BCBM

50. Solar do Pescado (Viana do Castelo). PM / TA 76º

50. Adega Faustino (Bragança). TeP / TA 88º

50. O Copinhos (Bragança). TeP / TA 98º

O Tobo do lobo Melide

excepcional menú de degustación no tobo do lobo

Excepcional no senso de que Miguel Liboreiro (Melide) ofrece un menú de 8 pases (catro entrantes, peixe, carne, dúas sobremesas) de moi boa cociña galega actual por 32 axustadísimos euros.

O Tobo do Lobo 1

O concepto, saltando as distancias xeográficas, pareceume moi semellante ao de Louro.
Xente nova cunha certa bagaxe detrás, proxectos ambiciosos, dous anos de vida (e que anos!), éxito inmediato, destacados pola guía Michelín co BIB Gourmand, asentados en conceptos moi actuais…, unha idea clara sobre a cociña.
Claro que se de Louro falabamos de cociña local e rexional (Viana de Castelo), no caso de Miguel Liboreiro a cociña é galega, e tamén con doses de interpretación e actualización, e tamén cun exquisito respecto polo produto.

Melide, en domingo de ponte deste que xa están a chamar veroño, lucía exultante. Feira e infinidade de peregrinos. Colas enormes para conseguir un prato de Polbo no Ezequiel ou na Garnacha, terrazas a tope, xentes camiñando ao leilán polas rúas. En fin, vila moi, moi animada.

Nós levabamos reserva e nos presentamos, como reloxos, ás dúas e media.
Somos catro e atopámonos cun local (na rúa principal, a avenida de Lugo, estrada nacional 547, xa na bisbarra camiño de Palas de Rei e Lugo; por certo, rínchanme os dentes cando aínda leo, por exemplo en Google Maps, Mellid). En fin, dicía que nos atopamos cun local amplo, moderno, luminoso, agradable, acolledor; na decoración, moi actual, mandan a gran fiestra, a foto dun bosque moi espeso, e a silueta do lobo que serve de icona ao local. Ao chegámonos, un cuarto de aforo; ao final encheu todas as mesas.

A carta, na liña do concepto, presenta unha proposta acorde coa marca editorial do restaurante: produtos galegos, receitas tradicionais, técnicas actuais, interpretacións creativas do cociñeiro.
Hai un menú diario semanal e o menú de degustación. Todos os pases do menú de degustación (agás un, a empanada) están na carta.
Entre os entrantes destacan unhas Croquetas tradicionais de xamón (9€), Ameixas á mariñeira (14.50€), Boletus salteados, ovo a baixa temperatura, chacina de vaca e améndoas (13€), ou o Steak tartare de vaca rubia galega madurada, xema de ovo e tostas de pan (15€).
Para os pratos principais anoto a Costela de porco ibérico lacada con salsa barbacoa e patacas fritas (17€), o Solombo de vaca (+250gr) parmentier de pataca e verza frita (23€), Costela de vaca rubia galega +45 días de maduración, patacas fritas e ensalada (60€ o quilogramo), ou a Pescada de Celeiro a baixa temperatura, brócoli, crema de apio-nabo e tinta de lura (19€).

A carta de viños é comedida pero suficiente para un profano coma min; dominan os viños galegos e hai botellas para satisfacer todos os petos. Nós acompañamos a comida con dúas botellas dun Algueira que se defende moi ben ante as esixencias dun menú de degustación moi variado, e se axusta moi ben o prezo do menú.

Servizo con ese equilibrio tan apetecible entre proximidade e profesionalidade.

O Tobo do Lobo 5
Crocante de gambón, queixo fresco
e salsa de maracuiá

O Tobo do Lobo 7
Ensalada de remolacha, queixo do Cebreiro,
mousse de aguacate e cirola en vinagreta balsámica

O Tobo do Lobo 8
Volandeiras asadas, mollo de cítricos e miso

O Tobo do Lobo 12
Empanada de tenreira

O Tobo do Lobo 13
Bacallau en dúas coccións,
puré de coliflor acaramelado
e cebola pochada

O Tobo do Lobo 16
Entrecosto de tenreira galega suprema,
maionesa de mostaza antiga,
emulsión de pemento

Ata aquí vedes o que hai.
Para min, todos os pratos a un nivel excelente. Houbo quen, postos a votar en negativo, fíxoo pola empanada (que se demasiado fina a masa, que se desequilibrio entre contido e continente, que se compango algo pasado… Para nada. Eu gustei moi dela.
E como quero falar en positivo, como prato en conxunto decántome polo bacallau; pareceume excepcionalmente traballado e combinado co puré de coliflor e a allada de fondo; tanto na idea como, en especial, na execución. Logo, de ter que votar un segundo lugar, creo que a ensalada de remolacha; os bocados nos que aparecía o queixo do Cebreiro resultáronme simplemente deliciosos.
E iso sen desmerecer o crocante, a salsa de maracuiá, o mollo de cítricos das voandeieras, a reinvención da empanada ou o punto do entrecosto e esa maionesa de mostaza… En fin, toda a comida.

O Tobo do Lobo 17     O Tobo do Lobo 20

Para a sobremesa, dous bocados moi lambeteiros.
O cremoso de queixo fresco, xel de marmelo, noces e queixo Galmesano e o Ganache de chocolate branco, froitos vermellos e follado acaramelado.

Si, dou creto, todo este festín por 32€.
Tanto pola cantidade como pola cociña, pareceunos un prezo non baixo, se non moi baixo.
Coas bebidas e os cafés acaba poñéndose en 37.50€. Unha risa.

O Tobo do lobo
Miguel Liboreiro

Avenida de Lugo 52
15800, Melide (Lugo)
981 507 773
GPS: 42.912813N, 8.008963O
otobodolobo.com
Facebook
Instagram
Cociña: galega actual
Prezo: degustación 32€; 12-40€
Peche: luns, mércores, xoves e venres noite; martes
Michelín: BibGourmand
TripAdvisor: 10º da pronvincia da Coruña
C,LE 2021: Lugar 29 de Galicia

Taberna Meloxeira O Grove

o grove, capital da gastronomía galega?

A aposta de Álvaro Fuentes en Porto Meloxo (en O Grove, capital da gastronomía galega?) suma referencias e piropos cada día e estase a converter nun indispensable da cociña actual.

Taberna Meloxeira 4

Ademais do boca-orella, a Taberna Meloxeira asomaba o fociño nunha reportaxe de 2019 na que 13 dos grandes cociñeiros galegos elixían os seus locais de preferencia.
O traballo, asinado por Jorge Guitián en Condé Nast Traveler, levaba por título, precisamente, ¿Dónde comen los cocineros gallegos?, y como entradilla adiantaba: ‘Estes son os restaurantes de Galicia que conseguiron conquistar os padais máis exquisitos’.
Os, posiblemente, máis grandes do actual panorama galego, Pepe Solla e Javier Olleros, apostaban nas súas referencias pola Taberna Meloxeira.
Solla, en concreto, apuntaba que ‘se buscamos algo diferente, Taberna Meloxeira, en O Grove, cociña moi rico’.
E Javier Olleros matizaba que se trata de ‘un curruncho privilexiado onde se guisa moi ben, divertido e con ganas sempre de seguir mellorando’.

CondeNastTraveler

Na reportaxe, e como resumo inicial, Guitián escribía: ‘Se algo queda claro é que O Grove (Pontevedra) é unha das localidades que calquera afeccionado á gastronomía ten que subliñar en vermello no seu caderno de imprescindibles’.
E é que o local con máis adhesións entre os propios cociñeiros é D’Berto; a maioría coinciden en que se o produto é a bandeira da cociña galega, D’Berto é o número un; son desta opinión mestres como Solla, Olleros ou Dani López, de O Camiño do inglés.
Cos mesmos votos sitúase Culler de Pau, o único –polo momento– dúas estrelas de Galicia. Pepe Solla vota por el: ‘Se falamos dun perfil máis gastronómico, Javi ten que estar aí’. Miguel González, última incorporación ao estrelado galego, di que a súa elección é ‘pola paixón, polo produto, polo meco e pola dedicación que son capaces de transmitir ao cliente; é un imprescindible’. E Adrián Felípez (Miga) tampouco aforra afagos: ‘Transmite calidade, honestidade, elegancia, emocións a flor de pel’.

Festa do marisco

Xa con dous votos, e ademais de A Curva (no veciño Portonovo), os santiagueses Marcelo e Abastos 2.0, e o cocido de Lalín de A Molinera, estaba a nosa estrela de hoxe: a Taberna Meloxeira.
Cunha única referencia sitúanse O Beiramar (referente no marisco meco), a Brasería Sansíbar (de todo na brasa), e, recomendado por Javi Olleros, O Muiño, una casa de comidas da aldea de San Vicente da que destaca as súas caldeiradas de polbo.

Pero, ademais, e sen saír do termo municipal de O Grove, cómpre salientar nomes como Misturas, O Náutico de O Grove, A Solaina, Arrocería & Sunset, o Sens da Finca Atlántica, Pan de Millo, Aldara, El Rincón, os chiringuitos de praia (Seixeliño, O Chiringuito ou Moisés), en fin, e con maior ou menor sorte, toda a oferta gastronómica de a Illa de A Toxa.

Claro que nun radio dunha ducia de quilómetros está Sanxenxo (con Rotilio ou Sabino, por poñer só dous exemplos), e Cambados (Yayo Daporta, Ribadomar, Posta do sol, Taberna do Trasno, Rosita, A fonte do viño, etc.), Vilagarcía (Loxe Mareiro, Bóveda, Altamira, O fogón da ría, El Acebo…), Meaño (con todos os seus furanchos de Cobas, a Quinta de san Amaro, ou o Lar de Pereiras –considerado, xa, en moitos foros, coma o mellor restaurante sen glute de España–).

Xa para rematar, e sen entrar en Pontevedra capital, onde tamén nos espera a súa estrela no Eirado, podemos considerar que Pepe Solla e Pepe Vieira están case no Salnés.

Hai algún outro municipio galego que en tan pouco espazo ofreza tanta calidade?
Tanto ten situar o epicentro da comarca en O Grove ou Cambados pero O Salnés, e en xeral a área das Rías Baixas, están na punta de lanza da gastronomía galega.

Taberna Meloxeira 3

Pero, lembremos, todo comezaba coa nosa visita á Taberna Meloxeira.

Pequena terraza con vistas ao molle, e moderno comedor interior, moi coqueto e acolledor.
Para aproveitar as últimas boqueadas de setembro optamos polo exterior.

O servizo está nesa mestura perfecta de profesionalidade e proximidade ao cliente que serven para acompañar con máximo goce a experiencia culinaria.

A carta é especial. Comeza cos entrantes: Porro de Adelina con vichyssoise e améndoa tostada (9.5€ para dúas persoas), Berberechos fritos con allo e chile (23.5€), Zamburiñas negras Thai ao wok (18.5€), Polbo á brasa estilo feira e crema de pataca (16.80€), Foie que lagostino! (12.8€), Carabineiro macerado, xema tostada e a súa cabeza á brasa (21€) ou Steak Tartar de solombo de vaca rubia galega (19.80).
Apartado específico para os ceviches: de Carabineiro coa súa cabeza á brasa (18.80€), Tradicional de mero (26€), de Robaliza con mango (25€) ou de San Martiño con allo e xenxibre (25€).
Os peixes. Mero á brasa con crema de pataca (27€), San Martiño á brasa con verduras ao wok (26€) ou a Fideuá de peixe con alioli de mar e tendóns (28.50€).
As carnes. Presa de porco ibérico de landra con arroz seco de setas e medula (25€), Solombo de vaca rubia galega de Bandeira con foie e o seu zume (26€) ou o Magret de parrulo á brasa con nooddles e verduras ao Wok (19.50€)
Dispón, ademais, e previo encargo na reserva, dun menú de degustación.

Taberna Meloxeira 6

A carta de viños está ateigada de referencias que, para un profano coma min, resultan descoñecidas e provocadoras.
Optamos por este A Capitana, 100% espadeiro; un tinto de color viva, olor a froitas non moi marcado e, en boca, fresco e agradable. Se cadra, e para min, un pouco falto de corpo e cun chisco de exceso de agulla que apenas remite unha vez aberto. Ben, pero sen botar os foguetes que merecían os 20 euros que pagamos.

Taberna Meloxeira 7Taberna Meloxeira 8

Do que non hai a mínima queixa é da comida. Ao contrario, sensacións moi, moi satisfactorias.
Para abrir boca, dous aperitivos: unha empanada de polbo e os mexillóns en escabeche caseiros. O comezo non podía ser máis espectacular. Empanada das boas, ribeirá, masa extra-fina e zaragallada zumarenta e sabrosa, co polbo cortado en dadiños moi pequenos. Grazas a bocados coma o de hoxe, cada vez son máis fanático dun bo mexillón en escabeche elaborado na casa.

Taberna Meloxeira 11

De primeiro, para compartir, as Vieiras á brasa con foie gras e froitos vermellos.
Moi ricas. Perfectas en cada un dos seus compoñentes; no conxunto, se cadra, a acidez da marmelada enmascara un pouco a sutileza da vieira; agradoume máis a fusión da vieira co foie que co mollo de froitos vermellos. En todo caso, o bocado é orixinal e está a moita altura.

Taberna Meloxeira 15     Taberna Meloxeira 14

Fóra de carta está este Mollapán, unha reinterpretación do clásico arroz de lumbrigante que nos explican coma un lumbrigante feito na brasa e cortado en anacos, e acompañado de arroz branco; en ambos casos cun caldiño elaborado tomando como base os zumes do propio lumbrigante, mollo de ostras e soia.
Fantástico. Exactamente para o que promete a sona, para empezar a mollar pan e non parar; e, de cando en vez, un bocado dun lumbrigante de primeira co sabor potenciado pola salsa, e outro de arroz, máis seco e nítido o de arriba, e forte, sabrosón, engaiolante, o que vén embebido no mollo.
Un gran prato.

Taberna Meloxeira 17

Da carta de sobremesas disque o clásico da casa é a Torrada quente con xeado de vainilla; ademais está a Nosa tarta de mazá e unha terceira opción que é pola que nos decidimos para compartir: a Paixón polos chocolates.
Un peche de festa sensacional. O conxunción dun riquísimo chocolate coas súas propias texturas animaba a rabuñar o prato ata dar conta da derradeira migalla.

Xunto co café pagamos 52 euros por persoa.
Coincidimos en valoralo coma un prezo xusto que paga a pena asumir de cando en vez. Por todo; pola entorno, pola atención, e, moi especialmente, por unha cociña diferente elaborada con paixón, fundamento e meco.
Creo que en breve volveremos para probar o menú de degustación.

Taberna Meloxeira
Álvaro Fuentes

Porto Meloxo, 100
36980 O Grove (Pontevedra)
886 161 389
GPS: 42.492689N  8.885896O
Facebook
Instagram
Cociña: creativa, mercado
Prezo: 35-55€
Peche: de luns a mércores
Guía Repsol: recomendado
Prato Michelín
Posto 29 da lista de restaurantes galegos de C,LE 2021

Os mellores restaurantes galegos 2021

os mellores restaurantes de galicia de c,le 2021. curiosidades

Hoxe adentrámonos na terceira entrega da nosa guía dos mellores restaurantes de Galicia segundo as guías. Despois da metodoloxía e do cadro de honra, hoxe pasamos a analizar algúns datos.

A primeira entrada, Guía de los mejores restaurantes gallegos de 2021. Introdución, era a exposición detallada da metodoloxía de traballo para realizar o noso estudo.
Logo, na segunda, expuxemos o Cadro de honra cos 50 restaurantes de Galicia que, en 2021, resultan tocados por esas variñas máxicas que son as Estrelas Michelín, os Soles Repsol e o posicionamento en TripAdvisor (Os mellores restaurantes galegos de C,le 2021. Cadro de honra).
Hoxe é o tempo das curiosidades.

A frialdade dos números

  • Hai un total de 81 restaurantes que cumpren cos requisitos para estar no listado definitivo.
    • En 2012 eran 70 e en 2016, 56
    • Dos 81 de 2021, 37 están na provincia de A Coruña
    • 8 en Lugo
    • 7 en Ourense
    • 29 en Pontevedra
  • A cidade con maior presenza na lista é A Coruña, con 12.
    • En Santiago hai 9
    • En Vigo 7
    • En Ourense 5
    • Sen ser as grandes cidades ou as capitais de provincia, destaca O Grove con 4 restaurantes, os mesmos que Pontevedra e un máis que Lugo cidade e Ferrol.
  • Fóra da lista, por estar unicamente en unha das tres guías, quedan:
    • A Coruña 37 restaurantes (17 Michelín e 20 Repsol)
    • Lugo 1 restaurante (Michelín)
    • Ourense 1 restaurante (Repsol)
    • Pontevedra 23 restaurantes (13 Michelín e 10 Repsol)
  • A provincia con máis restaurantes na guía Michelín é A Coruña, con 50 aparicións: 5 estrelas, 16 BibGourmand, 29 recomendacións.
    • A continuación está Pontevedra cun total de 39: 1 restaurante 2 estrelas, 6 unha estrela, 7BG e 25 recomendacións.
    • Lugo ten 7 restaurantes na guía, os 7 recomendados.
    • Ourense conta, unicamente, con 3: 2 estrelas e 1BG.
    • A provincia de A Coruña ten 2 presencias máis na Michelín que a suma total do resto das provincias.
    • Por galardóns, a provincia máis forte é Pontevedra.
  • A provincia con maior presenza na guía Repsol volve ser A Coruña, con 6 restaurantes con 2 soles, 9 un sol, e 33 recomendacións.
    • Lugo: 2 restaurantes con 2 soles e 2 recomendados. Total 4 na guía Repsol.
    • Ourense ten 3 con un sol e 4 recomendacións.
    • A provincia de Pontevedra conta con 2 restaurantes con 3 soles, 4 con 2 soles, 3 con un sol, e 18 recomendacións; isto suma unha presenza de 27 restaurantes na guía.
    • Segundo a guía Repsol, na provincia de A Coruña está practicamente o 60% de todos os restaurantes recomendados en Galicia.
    • Pontevedra volve ser a provincia con distincións máis altas.
  • De 37 restaurantes da provincia de A Coruña que están na lista, 25 (68%) ocupan postos relevantes nos listados de TripAdvisor.
    • En Lugo, os 8, o 100% de restaurantes destacan en TripAdvisor
    • En Ourense ocorre outro tanto: os 7, o 100%, destacan en TripAdvisor.
    • En Pontevedra, 23 dos 29 (80%) restaurantes destacados entran entre os 100 mellorados na provincia en TripAdvisor.
    • Seica a opinión dos usuarios de TripAdvisor serve de contrapunto ás valoración dos inspectores de Michelín e Repsol: a provincia menos favorecida neste caso é a de A Coruña.

De altas e baixas

En Como logo existo realizamos este mesmo traballo –con leves matizacións– en 2012 e 2016. Pensamos que un bo referente pode ser o estudo dos nomes que aparecen e desaparecen.

  • Entre os restaurantes que entran por primeira vez e con maior forza en 2021 destacan:
    • Miguel González, en Pereiro de Aguiar, Ourense. Entra directamente no posto número 10
    • O`Pazo, en Padrón, entra no lugar 13
    • NaDo, en A Coruña, posto 15
    • A horta do Obradoiro, Santiago, 17
    • A Maceta, Santiago, 21
    • Pacífico, en Ourense, 26
    • Detapaencepa, Vigo, e Taberna Meloxeira, en O Grove, no lugar 27
    • A Xanela gastronómica (Ponteareas), O tobo do lobo (Melide), Sibaris 2.0 (Ourense) e Terreo (A Coruña), empatados no lugar 29, pechan o grupo das grandes novidades.
  • A maioría dos restaurantes significativos que caen da lista desde o último estudo, fano por peche: A Estación de Cambre (9º en 2016) ou Alborada (14º).
  • Logo atopamos unha serie de clásicos que co paso dos anos van notando o desgaste e que perden o seu estatus no conxunto de Galicia (Coral, O Parrulo, Ramallo, Chef Rivera, Mesón de Alberto, Manuel Bistró, O Grelo…).
  • Se o proceso se analiza nos dez últimos anos atopamos auténticos buques insignia da gastronomía galega no 2012 que xa caeran das listas en 2016. Si, tamén por peche (Acio ou Casa Pardo), pero hai outros que acusaron o paso dos anos e a competencia (O Bebedeiro, A Casa dos Martínez, El Mercadito, Pedro Roca, Roberto, etc.)

Ausencias e presencias delatoras

  • O primeiro restaurante que se coa na lista sen ter ao tempo estrela e sol é O Balado. Sol Repsol, BibGourmand e, sobre todo, un posto número tres entre todos os restaurantes da provincia de A Coruña en TripAdvisor empurran a Marta e Roberto ao lugar número 9 do listado.
  • Con D’Berto pasa algo parecido. Dous soles e o posto 37 na provincia de Pontevedra convérteno no onceavo da lista a pesar de que no pasa da recomendación por parte de Michelín.
  • No extremo contrario están os castigados polo público de TripAdvisor.
    • Os dous primeiros, e moi significativos, son As Garzas e Pepe Vieira, que coa súa estrela Michelín e os dous soles Repsol caen ata o lugar 23 por non estar entre os 100 primeiros, respectivamente, das provincias de A Coruña e Pontevedra segundo os usuarios de TA.
    • O seguinte nunha situación similar é o Silabario, conta con Estrela e con Sol, pero non chega máis alá do posto 37.
  • Son un puño os restaurantes con soles Repsol que non acadan unha mención destacable para Michelín.
    • Os máis evidentes, España, que con 2 soles nin aparece na Michelín (postos 35), e Nito e Bido, tamén dos soles e presenza simple na Vermella (postos 16 e 40 na lista)
    • A Taberna (Ourense) conta con un sol Repsol e non merece a atención da Michelín; tamén con sol Repsol e apenas mención en Michelín atopamos O’Pazo, Nado, A Gabeira, El Refugio e Salitre.
  • Na situación contraria, estrela Michelín e ausencia total de Repsol, non encontramos ningún caso.
    • Si hai algún que outro que merece o BG de Michelín e pasa desapercibido para a Repsol: Pacífico (Ourense), El de Alberto (A Coruña), O tobo do lobo (Melide), Terreo (A Coruña), Casa Marco (Vigo), Artabria (A Coruña), Paco Durán (Baiona), Mamá Peixe (Santiago) e Morrofino (Vigo).
  • Por último, os restaurantes do listado que resultan mellor valorados polos usuarios de TripAdvisor (figuran entre os 5 primeiros da súa provincia) son: Nova (2º de Ourense), O Balado (3º de A Coruña), Casa Marcelo (4º A Coruña), Pacífico (4º Ourense) e A xanela gastronómica (4º da provincia de Pontevedra).

Entradas anteriores:
Guía de los mejores restaurantes gallegos de 2021. Introdución
Os mellores restaurantes galegos de 2021. Cadro de honra
Próxima entrada:
Guía dos mellores restaurantes de Galicia. Listado completo