, ,

taberna do carril

Tiña moitas referencias desta taberna, en especial doutros blogueiros.

Taberna do Carril 02

E todas boas, na mesma liña, todas fan referencia a un lugar para comer marisco de primeira a prezos asequibles; non regalado, que as milagres pouco teñen que ver coa realidade do prezo do marisco, pero si para darse un gusto de cando en vez.

Taberna do Carril 04 Taberna do Carril 11

O local é típico, de taberna actualizada non hai moito tempo. Limpo e curioso. Quedo prendado dunha colección de fotografías que colgan da madeira da que están revestidas as paredes.
Carta recitada con presenza dominante do mar.
Pedimos un combinado de marisco para catro.

Taberna do Carril 06

Percebes (acabados de cocer), cigalas, camaróns e centola.

Taberna do Carril 05 Taberna do Carril 08

Os catro, sen diferenzas, perfectos.
Frescos, no seu punto de cocción e sal, saborosísimos, os catros, non sei a cal dedicar as máis ferventes loubanzas.

Peixes variados con preferenza para as preparacións á prancha e ensalada de gornición. Pedimos dúas de pixín para os catro. Mantén o altísimo nivel.

Taberna do Carril 09

Sobremesas variadas entre as caseiras e unha boa carta de xeados máis elaborados. Tiramos polos xeados.
Carta de viños curta pero suficiente; bebemos unha botella de Laxas e auga.
Café de pota e gotas.
Servizo acorde coa liña do local. O comedor, de tamaño medio, hai un momento no que está practicamente ao cen por cen de ocupación (sábado ao mediodía), pero non hai demoras salientables.

Taberna do Carril 10

Pagamos algo menos de 45€ por cabeza, prezo que consideramos bastante máis que razoable.
Coas matizacións feitas, absolutamente recomendable.

A Taberna do Carril
(O Farturas)
Rúa A Xalda 3, Carril.
(36619) Vilagarcía de Arousa.
Tlfno: 986 507 876
GPS: 42.614088N  08.773089W
Localización en Mapas de Google.