restaurante fábula. burgos

En Burgos a recomendación tócalle á guía Michelín e, entre as poucas opcións que se ofrecen, decidimos comer no restaurante Fábula.

Restaurante Fábula. Burgos. Exterior     Restaurante Fábula. Burgos

Local non moi grande, aproximadamente para 40 comensais, con forma de tubo. Decoración moderna, alegre, moi divertida, en verdes e crema, debuxos de planos de Burgos e letras formando refráns polas paredes, materiais peculiares.
Sentamos á entrada, na parte máis ancha e luminosa. Ben. Agradable.

Restaurante Fábula. Burgos. Interior  Restaurante Fábula. Burgos. Interior  Restaurante Fábula. Burgos. Interior  Restaurante Fábula. Burgos. Interior

O fábula ten un ciclo gastronómico centrado na evolución humana (o Burgos do século XXI está a facerse cunha nova icona cultural a través dos descubrimentos de Atapuerca) con diferenes menús; hoxe leva por nome R-Evolución.
Ademais, carta tradicional e periodicamente menús temáticos.
Boa oferta de viños.

IMG_0164

Decidímonos por un menú temático que se anuncia construído arredor da cereixa do val das Caderechas. Un entrante, dous pratos e sobremesa, (ou ben dous entrantes, un prato e sobremesa; non sei se enmarcar o bonito como entrante ou como prato). Prezo: 27 €.

IMG_0138

Comezamos –aperitivo do día, fóra do menú- por unha sopa fría de tomate e sandía; gústame; refrescante e sabe moi rica.

IMG_0147     IMG_0148

O menú en si abre cunha Ensalada monocromática cubierta por una película de cereza (variedade Lapins). Prato visualmente moi atractivo e no que a integración da cereixa está máis lograda. Cereixas, ‘cereixas’-remolacha, ‘cereixas’-tomatiño, cereixas con feitura de tomatiño e sabor a remolacha, cereixas con feitura de remolacha e sabor a tomate… O menú comeza cun nivel moi alto.

IMG_0158

Bonito rebozado en Panko, toque de soja y cerezas agridulces. Ben de sabor e execución. A cantidade de bonito algo desproporcionada; os tacos un chisco grandes e acaban por cansar un pouco.

IMG_0167

Carrillera de cerdo ibérico confitada, arroz basmati, merengue de cereza y vino. Definitvamente o prato cun menor nivel. O merengue de cereixa, un pouco collido polos pelos, non me gusta demasiado. A carne, polos bordos, algo reseca, como revenida.

IMG_0172   IMG_0177

Ascenso de golpe, ao mellor nivel, coa sobremesa: Helado de cereza, yogur, esponjoso de chocolate blanco y cereza. Moi ben de execución; realmente fermoso, moi ben ensamblado, rico, rico.

IMG_0140     IMG_0131

Globalmente a comida pagou a pena. O prezo é bastante axustado e o menú resulta divertido e orixinal; agradécese nunha vila con pouca oferta dominada polos locais tradicionais. Perde bastante altura coas carrileiras, pero compensa con algún dos outros pratos.
Restaurante Fábula
Rúa La Merced 19
09002 Burgos
Teléfono: 947 263 092
E-Electrónico
Web
GPS: 42º20’16.70”N   03º42’16”W
Localización en Mapas de Google
Repsol: 1 sol
Michelín: Si
Gourmetour: Si
Verema: 7,4

Etiquetado en: , ,

Translate »