comer (ben) nun muíño

Os muíños están de moda.
Recoñezo que si, que a maioría están en paraxes paradisíacas que se venden por si soas (fóra) e moitos foron rehabilitados con criterio (por fóra e dentro).
Pero non abonda con isto.
Se do que se trata é de reconvertelos en locais de comida deben, ademais, ofrecer comida (e non só dar cousas de comer).

 Muiño da Birla 01 Muiño da Birla 02

Onte, o grupo da Illa, para despedir a tempada de verán (a de verán, pois xa temos por aí algún que outro proxecto outonal), comimos nun muíño que reúne todos os requisitos para ser un local recomendable.
Chámase Muíño da Birta, está no lugar de Abuín, en Dena (Meaño), e en apenas un ano xa ten unha boa dose de clientela fiel.

Muiño da Birla 09 Muiño da Birla 10

Se algo diferenza o Muíño da Birta de locais veciños de apariencia semellante, é a carta. Ademais da tortilla, os calamares, as croquetas, o churrasco…, destacan unha serie de pratos máis elaborados, como o picantón en mollo de perdiz, o rabo de boi estufado, a faceira ou o bacallao á tranca.

Muiño da Birta 19 Muiño da Birta 20 Muiño da Birta 21

De entrante pedimos unhas croquetas de choco, unhas xoubas e uns chinchos. As croquetas, boísimas, e os peixiños resoltos con absoluta eficiencia: moi ben fritiños.

Muiño da Birta 23 Muiño da Birta 24Muiño da Birta 26 Muiño da Birta 29

Nos segundos houbo opcións para todos os gustos e os comentarios foron todos moi compracentes. A costela de tenreira, o rabo estufado, a costela de porco e os filetes de croca á prancha. Probei o rabo (disque un dos pratos estrela da casa) e estaba realmente bo; se acaso, o mollo un chisco desleigado, co aceite demasiado evidente, pero rico.

Muiño da Birta 28

Eu, desde que o lin na carta, quedei na cabeza co picantón en mollo de pediz. E non me defraudou; estaba realmente rico.
Comimos cunha botella de albariño caseiro, outra de tinto mencía (Cepa vella), e bastante auga.

Muiño da Birta 30 Muiño da Birta 31Muiño da Birta 34

Coas sobremesas tamén cubrimos unha parte imortante da carta, desde as filloas (sen nada ou recheadas de mel, de chocolate, de nata, crema…), ata o flan de café, pasando polas tartas de chocolate (branco ou negro) ou polas de queixo.
O meu flan de café (con xelatina de café por riba), estaba saborosísimo.

Muiño da Birta 43 Muiño da Birta 44 Muiño da Birta 50

Xa logo, fóra, nunha terraciña realmente apetecible, pasamos aos cafés e ás copas.
As copas son outro dos atractivos deste Muíño da Birta; mojitos (clásico, de amorodo ou de piña), as caipiriñas (tradicional, de kiwi, ou vozka), daiquiris, o cóctel Brita (ron dourado, licor de toxo, licor de plátano, soda, azucre de caña, menta e lima), os sen alcol (San Francisco ou mojito sen alcol), etc.
Tiramos polos mojitos (tres) e polas tradicionais gotas para o café.

Muiño da Birta 16 Muiño da Birta 08

Todo o anterior saíu por 24€ persoa, prezo que me pareceu moi axustado para todo o que comimos e bebimos.

Muiño da Birta 06Muiño da Birta 07

Durante a semana teñen un menú do día de 8,50€ que pode funcionar moi ben.
Un muíño moi recomendable ao que me dá que imos volver.

O muíño da Birta
Lugar de Abuín, Dena
36968, Meaño
Teléfono: 691 383 882
GPS: 42º26’17.78”N  08º48’30.38”W
Localización en Mapas de Google
info@muinodabirta.com
Web