o valor da arquitectura actual. la ultramar

O valor da arquitectura actual. La Ultramar: Pepe Vieira, en esencia, na súa taberna de tapas nas instalacións do Museo provincial de Pontevedra.

Na última edición da Feria Internacional de Turismo de Madrid (FITUR), a Deputación Provincial de Pontevedra presentou, como un dos motivos centrais da campaña promocional, a Arquitectura contemporánea nas Rías Baixas: espírito creativo.

DipticoDepuProArquitectura

Unha selección de obras e arquitectos que deixaron pegada e se converten nun motivo máis para atraer a visitantes de fóra (e, por que non? tamén de dentro).
Moitas das obras xa pasaron por estas páxinas:

Museo de Pontevedra
Que vergoña!
Museo de Pontevedra. Sexto edificio.
Jesús Ulargui Agurruza e Eduardo Pesquera González
Pazo da Cultura Pontevedra
Cociñando contos
Pazo da cultura.
Manuel de las Casas

Un tesouro agochado na Illa de Arousa
Casa consistorial e Multiusos.
Manuel Gallego Jorreto.
Concello de Lalín
Un agarimo na Feria do cocido
Casa do concello de Lalín.
Luis Mansilla e Emilio Tuñón.

A Illa de San Simón
Rehabilitación dos espazos da Illa de San Simón.
César Portela.
Centro de saude de Domaio
Gastronomía e Arquitectura
Centro de saúde de Domaio.
Irisarri e Piñera
Departamentos de pescadores no porto de Cangas
Gastronomía e Arquitectura
Departamentos de pescadores no porto de Cangas.
Irisarri e Piñera.
Equipamento do porto de Beluso
Gastronomía e Arquitectura
Equipamento do porto de Beluso.
Irisarri e Piñera

Onte tocounos visitar un deses locais que temos ao alcance da man e que conxugan a perfección gastronomía e arquitectura.

La Ultramar Web 01

Onte comimos en La Ultramar, o espazo gastronómico de Pepe Vieira no Museo de Pontevedra.

La Ultramar 15

En palabras propias, ‘La Ultramar é ante todo unha taberna, de estética desenfadada e cunha cociña de contraste que pasa do bocadillo de luras a, por exemplo, o steak tartar. Tomando o produto local como punto de partida acompañando sempre dunha excelente bodega’.
Pois iso mesmo. Aí van algunhas das creacións de Pepe Vieira para esta Taberna La Ultramar (fotos da propia web do local).

La Ultramar Web 06 La Ultramar Web 08 La Ultramar Web 09

Verduras asadas na chama, con lascas de parmesán e xema de ovo; tomate plastificado con crema untuosa de tetilla, albahaca e vinagreta de flores. Na foto do centro o Sándwich Katz New York con pan de espeleta, queixo de tetilla, pepinillo encurtido e mostaza. Dourada fritida en fariña de garavanzo pomelo.

La Ultramar 17 La Ultramar 18

Pedimos o Ovo fritido do revés, con pataca puré e trufa de verán para compartir de primeiro. O ovo vén encapotado e con pemento por riba. Sabores da infancia. Na miña casa era habitual botar pemento por riba do ovo fritido e, por riba deste, unhas pingas do aceite de fritir o ovo. Moi rico.

La Ultramar 21 La Ultramar 20

De prato, a sartén de croca asada na grella. No seu punto e deliciosa (non apta para amigos da carne sanguenta, aínda que non poñen reparos en pasala máis).

La Ultramar 25 La Ultramar 24 La Ultramar 26

De sobremesa a Tarta Sacher: puro chocolate con confitura de framboesas, Marabilosa. Unha práctica perfecta da teoría da deconstrución na gastronomía moderna.

La Ultramar 27 La Ultramar 28

Bebemos Carmen caña e eu copa de viño da Ribera do Douro e pagamos 23€ cada un. Gustoume. De principio a fin. O local, encadrado pola austeridade da pedra, das arcadas, dos arcos de media punta…, resulta moderno, divertido, acolledor. Na proposta culinaria nótase a man de Pepe Vieira. E agradécese. Son fanático deste cociñeiro e desde onte teño un motivo máis para mantelo no pedestal: a mestría para converter a cociña do Camiño da Serpe nunha proposta divertida e asequible, sen perder a calidade.
Absolutamente recomendable.

La Ultramar 12 La Ultramar 11

La Ultramar Pepe Vieira
Museo Provincial (Edificio Sarmiento)
R Padre Amoedo Carballo, 1-3
36002, Pontevedra
986 857 266
GPS: 42.433270N,  8.642174O
www.laultramar.es
Facebook
Cociña: De contraste. Actual. Divertida.
Prezo: Entre os 2o e os 35€. Entradas sobre os 7-9€; pratos principais 12-15€; sobremesas desde os 3 aos 6€.
Peche: Domingo noite. Luns.