exportación made in galicia

La Pepita comezou a súa andadura en Vigo, na zona de Rosalía de Castro, e xa anda, polo de agora, polos madriles.
Estamos ante o que empeza a ser unha cadena de hamburgueserías que soubo casar á perfección a cualidade da oferta co marqueting.

La Pepita Vilagarcía 1 Vilagarcía-LaPepitaBurger

Probamos o local acabado de abrir en Vilagarcía, na praza Ravella.

Ademais da proposta de hamburguesas, teñen unha interesante oferta de entrantes e de sobremesas. Ademais, un menú infantil e información bastante exhaustiva de posibles alérxenos e intolerancias. En concreto, teñen opcións de menú libres de gluten.

La Pepita Vilagarcía 4   La Pepita Vilagarcía 5La Pepita Vilagarcía 6

Empezamos coa tempura de vexetais con molho de soia e uns lagostinos empanados con molho doce e picante. En ambos casos, ben traballados.
Ademais, están os ovos campeiros fritidos con paleta ibérica ou a ensalada Caprese.

La Pepita Vilagarcía 7   La Pepita Vilagarcía 8

No tocante ás hamburguesas, pedimos para todos os gustos: a Sorrentina (con rúcula, mozzarella fresca, ourego, tomate seco en aceite de oliva e cebola crocante), a Rouge (con foie fresco na brasa, puré de mazá caramelizada, leituga e tomate), a Summum (burguer de boi de 220 gr., con queixo azul, leituga, tomate e cebola caramelizada, en pan artesán), e eu, a Serranita (burguer de porco ibérico con crema de queixo manchego curado, crocante de paleta ibérica, leituga, tomate e cebola).
Ademais, a carta ten unha Pepita vexetal, a de salmón fresco, a de polo, de cordeiro…

La Pepita Vilagarcía 9

Cada unha no seu estilo, todas moi boas; especialmente, e ademais da miña, que acertei na elección, gustoume a de Maru, que para manter o seu bo criterio gastronómico tirou pola de boi, e si, tamén estaba fantástica.

La Pepita Vilagarcía 10  La Pepita Vilagarcía 11

Curta pero interesante carta de sobremesas (non esquezamos que estamos nunha hamburguesería): Crumble de mazá asada con sorbete de moras, Brownie de chocolate con xeado de abelás e crema de chocolate, Cheesecake e xeados.

Comimos con cervexa e refrescos, todos tomamos sobremesa e café e, coas consabidas patacas –por partida dobre, finas e máis grosas– pagamos arredor dos 20€ por cabeza.
Todo a un alto nivel pero antollóuseme un prezo un chisco subido de tono (tampouco neste caso podemos esquecer que estamos ante unha hamburguesería).

La Pepita Burguer
Praza Ravella, 11
36600, Vilagarcía de Arousa
Teléfono: 34 986 094 787
vilagarciaa@lapepitaburgerbar.com
Web

r/ Oporto, 15. Vigo. 986 118 156
r/ Juan Flórez 13. A Coruña. 881 120 535
r/ Cobián Roffignac, 2. Pontevedra. 986 101 030
Avda. da Habana, 63. Ourense. 988 619 989
r/ Alonso Cano, 103. Madrid. 917 273 862
(E segue a medrar…)


Translate »