cociñando contos

Nesta ocasión, o paseo a Pontevedra tiña un obxectivo claro: a visita ao XV Salón do Libro Infantil e Xuvenil (salondolibro).

cociñandolibros

Unha gozada.
Baixo o título xenérico de Cociñando Contos, e durante case un mes (do 14 de marzo ao 5 de abril, no Pazo da Cultura e distribuídas por todo o casco de Pontevedra), unha manchea de actividades onde experimentar as infinitas maridaxes entre a cociña, os alimentos, a gastronomía… e o libro infantil e xuvenil.
Un intento máis –nunca serán suficientes– de estimular o gusto pola lectura entre os cativos (e non tan cativos).

Cociñando Contos 07 Cociñando Contos 08 Cociñando Contos 11 Cociñando Contos 10

Cine, música, obradoiros, contacontos, artes plásticas, xogos, exposicións, teatro, espectáculos de rúa, talleres…

Cociñando Contos 12

Algúns exemplos.
Venres 4 de abril, 17.30h. Obradoiro: Cociña extraterrestre, a cargo da editorial Pata de Peixe. Para un público familiar e centrado en rapaces de 5 a 10 anos. Elaboración de diferentes receitas relacionadas co libro Coidado Extraterrestres, cociñando sobremesas con cousas verdes.
Venres 21 de marzo, 18h. Obradoiro: Que se coce nos pucheiros?, a cargo de Pepe Solla. Para un público familiar. Da man de Pepe Solla descubriremos os segredos que agochan os pucheiros.

Cociñando Contos 04

Almorzos ilustrados: durante todo o tempo de duración do salón, nos locais da rúa Real, manteis ilustrados co gallo do salón. Arcimboldos: roteiro de escaparates saborosos; oito artistas plásticos decoran outros tantos escaparates de establecementos de alimentación inspirándose na obra de G. Arcimboldo.

Cociñando Contos 24

Quedáronme os ollos na actividade Fotografía a túa novela, do venres 4 e sábado 5 de abril, entre 18 e 20h.; taller para crear un cómic a partir dunha historia e a base de fotografías.

Claro que, falando de fotografía, nada máis fotoxénico que o café dos artistas, un recuncho no que fotografarse tomando un café a carón dos grandes da literatura infanto-xuvenil galega. Agustín Fernández Paz, Neira Vilas, Paco Martín, Marilar Aleixandre, Bernardino Graña…

Cociñando Contos 14

Cociñando Contos 16 Cociñando Contos 17 Cociñando Contos 18

Cociñando Contos 15 Cociñando Contos 21

Por certo, unha oportunidade óptima para visitar, tamén, o continente, o edificio, da autoría de J Manuel de las Casas, con recunchos dotados dunha plasticidade espectacular.

Pazo da Cultura Pontevedra 01      Pazo da Cultura Pontevedra 02
Pazo da Cultura Pontevedra 05 Pazo da Cultura Pontevedra 04
Pazo da Cultura Pontevedra 09

En fin. Demasiadas emocións xuntas. Estendinme un pouco máis da conta.
A comida, en Bagos, terá que quedar para mañá.


Translate »