Leo, nunha das miñas fontes favoritas, o Boa Mesa do Escape (Expresso), unha reportaxe sobre restaurantes low cost en Lisboa e Porto. 12 restaurantes nos que comer por menos de 10 euros (6 en Lisboa, 5 en Porto e 1 en Setúbal),
(Se está interesado neste artigo, tal vez che podería interesar outro informe do Escape analizado por Como, logo existo hai cousa dun ano: 11 restaurantes a non perder en Porto en 2011)
Os de Lisboa e Setúbal quedan un chisco fóra dos intereses deste blog pero, por un se acaso, e como non deixa de ser un destino habitual para moitos galeguiños e galeguiñas, aí van como referencia:
– Cantina Lx, Alcántara, Lisboa.
– Padaria Portuguesa, Lisboa.
– Grande Palácio Hong Kong, Praça do Chile, Lisboa.
– Adega Leo do Petisco, Setúbal.
– Caxemira, Martim Moniz, Lisboa.
– Deli Delux, Santa Apolónia, Lisboa.
– Cervejaria O Germano, Marvilla, Lisboa.
Pero pasemos, utilizando a mesma orde do Escape, aos que realmente nos interesan: os 5 restaurantes de baixo prezo en Porto.
Encabeza o listado o Bugo Art Burgers. No meollo do barrio das artes, na mesma rúa Miguel Bombarda (ver mapa). Moito máis que hamburguesas, na liña de novidade e risco que caracteriza a todo o barrio. Para deixarse sorprender.
Burgo Art Burguer
Rúa Miguel Bombarda 598
4050-379 Porto – Portugal
Tel. +351 22 606 21 79
GPS: 41º08’58”N 08º37’27”W
E-Electrónico
Web
Localización en Mapas de Google
O SaborXpresso. No centro máis céntrico, a Praça da Liberdade (ver mapa). Diferentes espazos, diferentes ofertas, diferentes prezos. No piso baixo comida rápida e económica con opción ao prato do día. No piso superior comedor tradicional.
SaborXpresso
Praça da Liberdade 66-68
Santo Ildefonso
4000-322 Porto
Tlfno: 351 932883731
GPS: 41.146489N / 08.611789W
E-Electrónico
Web
Localización en Mapas de Google
O Cêpa Torta. Un clásico da Foz (ver mapa) que de cando en vez asoma nas guías e recomendacións para comer en Porto. Disque é lugar de reunión habitual para estudantes e xente nova por mor dos seus prezos: o prato do día (cociña tradicional) sae sobre os 6 euros. Tamén comida á carta. Na rúa da Sra da Luz un chisco máis popular que o que está na rúa Gondarém.
Cêpa Torta
Rúa de Gondarém 843
4150 Porto
Tfno: 226181056
GPS: 41.159951ºN 8.682996ºW
Facebook
Rúa Senhora da Luz 258
4150 Porto
Tfno: 226189284
GPS: 41.15137ºN / 08.676671ºW
Localización en Mapas de Google
O Buraco. A máis pura tradición da gastronomía portuguesa (rexional) na zona centro, moi próximo ao mercado do Bolhao (ver mapa). Para tomar unhas tripas, o arroz de pato, lulas, peixe fresco… sen luxos pero a prezos que son de auténtico escándalo. Un lugar xenuíno.
O Buraco
Rúa do Bolhao 95
Santo Ildefonso
4000-112 Porto
Tfno: 222 006 717
GPS: 41.151172ºN / 08.607472ºW
Localización en Mapas de Google
O Shis. Pouco queda por dicir do Shis (ver entrada), outro clásico nunha das zonas máis concorridas da cidade: a Foz (ver mapa). Neste caso indicar que ofrece un Brunch completo a partir de 6,60 euros. (Br/eakfast + L/unch = Brunch; da tradición anglosaxona tan presente en Porto: a cabalo entre almorzo e xantar; no caso do Shis, máis preto do pequeno almorzo que da comida en si).
O Shis
Rúa do Coronel Raul Peres
Esplanada do Castelo – Foz do Douro
4150-623 Porto
Tfno: 226 189 593
GPS: 41.149273ºN / 08.675969ºW
E-Electrónico
Web
Localización en Mapas de Google